(M & T: W. Delanoy)
Do hot ana g’spüt und i hob nur so gschaut
So erdig, i hob meine Ohr‘n neama traut
Klungan hot deis, als hätt‘n drei griart
Die Gitar, dei hot g‘sungan, im Herz hob i‘s g‘spiat
Do woa so a Lauf, i hob‘n ned kennt
Zan meak‘n, do is di Musik zu schnö g‘rennt
Noch‘n Konzert hob i‘n Musika g’seg‘n
Do hob i ma deinkt, do muasst jetzt hingeih‘n
Wia ma so spün kou (kann), hob i eam gfrogt
Er hot mi nua aungschaut und daunn hot a g‘sogt
Schmeick’s Kroupfata, daunn wasst’s Beangata
Waunnst laung gnua tuast, vielleicht kommst drauf
Und waunn’s ned kloppt, daunn gibst hoit auf
Do woa i beim Händla, wasst eh wia dea hasst
Wü a Kastl fia’s Bod, deis ma guat einipasst
Er hot ma ans zagt, nett hot’s ausg‘schaut
I hob’n daunn g’frogt, ob ma’s leicht zsoummanbaut
Er hot ma nua g’sogt, deis is goa ka Problem
Die Bedienungsanleitung erklärt deis gaunz schein
Seit Stunden scho plog i mi pausenlos o
Wos I a probia, I kriag deis ned z’saumm
Do foit ma do ein, i hob jo an Freind
Der hot ma scho amoi an Schrounk z’soummang’leimt
I ruaf’n glei ou, frog eam wia ma’s mocht
Er heat ma kuaz zua, und daunn sogt er nua
Schmeick’s Kroupfata, daun wasst’s Beangata …
Mei Orbeit is weg, deis Haus is vakaft
Die Scheidung, die kost mehr als i jetzt verkroft
Die Finanz wü mei Göd, da Teif’l mei Sö
Do hüft nua mehr is End, I hoff es geht schnö
I steig auf a Schammerl, den Strick um mein Hois
I loss mi tiaf foin, aus is jetzt ois
Die Schlauf’n, die höit ned, i foi auf die Knia
Da Strick liegt aum Boud’n, off’n da Knout‘n
Do schau i auf Youtube, wia ma so wos gscheid mocht
Deis Video hot mi kan Deit weitabrocht, do sogn’s
Schmeick’s Kroupfata, daunn wasst’s Beangata …